दिल्ली कॅपिटल्सचा पंजाबवर दणदणीत विजय

Santosh Sakpal May 18, 2023 12:53 AM

तायडे-लिविंगस्टोनची अर्धशतकी खेळी व्यर्थ

आयपीएल २०२३ चा ६४ वा सामना पंजाब किंग्ज आणि दिल्ली कॅपिटल्स यांच्यात धर्मशाला येथे पंजाब क्रिकेट असोसिएशनच्या मैदानावर रंगला. पंजाब किंग्जने नाणेफेक जिंकून प्रथम गोलंदाजी करण्याचा निर्णय घेतला होता. त्यानंतर मैदानात उतरलेल्या दिल्लीच्या फलंदाजांनी पंजाबच्या गोलंदाजांचा समाचार घेत २० षटकात २ विकेट्स गमावत २१३ धावांपर्यंत मजल मारली होती. त्यानंतर या धावांचा पाठलाग करणाऱ्या पंजाब किंग्जने या सामन्यात विजय मिळवण्यासाठी शर्थीचे प्रयत्न केले. अथर्व तायडे आणि लियाम लिविंगस्टोनच्या वादळी अर्धशतकाच्या जोरावर पंजाबला २० षटकात १९८ धावाच करता आल्या. त्यामुळे दिल्लीने या सामन्यात पंजाबवर १५ धावांनी विजय मिळवला.